Mae Cymunedau am Waith a Mwy (CfW+) yn brosiect a ariennir gan Lywodraeth Cymru ac a redir gan Gyngor Castell-nedd Port Talbot. Mae'n helpu pobl leol i ddod o hyd i gyfleodd gwaith a hyfforddi. Gall y prosiect helpu unigolion 16 oed a mwy sy'n byw yng Nghastell-nedd Port Talbot ac sydd naill ai'n ddi-waith neu'n gweithio oriau isel/yn rhan amser/ar gontractau dim oriau/yn profi tlodi yn y gwaith. Rydym yn gweithredu dan ambarél Cyflogadwyedd Castell-nedd Port Talbot, ac mae gennym berson cyswllt canolog sy’n sicrhau bod unrhyw un a gyfeirir atom yn ymuno â’r prosiect cywir, ar sail eu hanghenion, lleoliad ac ati. Golyga hyn y gallent gael eu cyfeirio atom ninnau neu at un o'n partneriaid, fel Gweithffyrdd neu PaCE.